U3F1ZWV6ZTQwNTc4ODgxMl9BY3RpdmF0aW9uNDU5NzAzMTIwMA==
recent
أخبار

وزارة التربية والتعليم | مشروع البحث على منصة الامتحان ادمودو Edmodo

كيف تقوم بعمل مشروع البحث خطوة بخطوة

مشروع البحث على منصة الامتحان ادمودو Edmodo

** البحث لطلاب الصف الاول والثاني الثانوي منازل / والطلاب ذوي الاحتياجات الخاصه / وأبناؤنا في الخارج / والنقل من 3 ابتدائي وحتي 3إعدادي

سؤال وجواب عن البحث

السؤال الأول : ما هو المشروع البحثى وازاى الطلبة تعمله ؟
الجواب : الطالب هيفتح موقع كود الاختبارات الخاصة بالوزارة بالرقم القومى الخاص به ولكل طالب كود خاص به (كود الطالب) لكل المواد وده الرابط بتاعه http://studea.emis.gov.eg

السؤال الثانى : بعد ما ياخد الكود هيعمل ايه بالكود ده؟
الجواب : احتفظ بالكود ده لانه هو الكود اللى الوزارة هتبعت لك الاختبارات عليه بعد يوم 2 ابريل.


السؤال الثالث: يعنى هفتح الموقع تانى علشان اشوف الاختبارات المطلوبة منى فى كل مادة صح كدة؟
الجواب: بالضبط كدة.

السؤال الرابع: وطيب وبعد كدة ؟
الجواب: تشوف اختبار كل مادة اسئلتها ايه وتحاول تجاوبها فى ورق عادى أو مطبوع زى ما تحب بس بشرط عدم النقل من الاخرين او يكون جاهز من المكتبات.


السؤال الخامس: وبعد ما انتهى من مشروع البحث المطلوب فى المادة، اعمل بيه ايه ؟
الجواب: هتفتح صفحتك على موقع اسمه ادمو الرابط بتاعه دهhttps://edmodo.org وهو منصة تعليمية بها صفحة لكل طالب هتدخلها بالرقم القومى الخاص بك.

السؤال السادس: يعنى ده موقع تانى غير موقع الاكواد ؟
الجواب: نعم بالضبط كدة.


السؤال السابع: طيب بعد ما أفتح الموقع ده وأفتح صفحتى عليه اعمل ايه ؟
الجواب: هترفع البحث بتاعك بصيغة ورد WORD او بى دى افPDF على المنصة الالكترونية.

السؤال الثامن: يعنى ايه أرفعه على المنصة ؟
الجواب: يعنى انت هتكتبه على الكمبيوتر عادى كأنك بتكتب أى ورقة أو موضوع وهتعملها حفظ على سطح المكتب مثلا باسم اختبار رياضيات وبعد ما تفتح موقع ادمو هتدخل على صفحك هتلاقى فى رمز او أيقونة عليها رفع الملفات ( او تحميل ملفات ) هتضغط عليها هيفتح معاك نافذة علشان تشوف مكان حفظ ملفك انت حافظه فين واول ما تلاقيه هتضغط عليه ثم تضغط على كلمة موافق هيترفع معاك الملف ويقولك تم التاكيد.


السؤال التاسع: وكدة خلاص؟
الجواب: ايوة بس انت حملت اختبار مادة واحدة !! خلى بالك، هتعمل نفس الكلام مع باقى اختبارات باقى المواد المطلوب منك ابحاث فيها.

السؤال العاشر: وهتظهر لى نتيجتى مباشرة؟
الجواب: لا طبعا لسه المصحيحين هيدخلوا على المنصة الالكترونية ويشوفوا كل بحث من أبحاث الطلبة الخاصين بيه.

السؤال الحادى عشر: طيب مثلا انا ماعنديش نت ومش بفهم فيه وامكانياتى المادية ماتسمحليش اروح سيبر او كافيه نت اعمل ايه ؟
الجواب: الوزارة بتسهل عليك الموضوع وبتقولك طالما كتبت البحث وطبعته وماعندكش امكانية ترفعه ممكن تسلمه باليد الى ادارة المدرسة اللى انت فيها.


السؤال الثانى عشر: طيب افترض مثلا انا كبرت ادماغى وماعملتش البحث ده ايه اللى هيحصل يعنى؟
الجواب: هتضطر تيجى قبل زمايلك السنة الجاية باسبوعين قبل الموعد الرسمى للدراسة وبرضه لازم تقدم بحث، وإلا وزارة التربية والتعليم هتعتبرك راسب وتعيد السنة.

السؤال الثالث عشر: والكلام ده لحد امتى ؟
الجواب: معاك شهر ونصف يعنى لحد 15/5/2020 .

السؤال الرابع عشر: طيب الاختبار ده فى المنهج كله ؟
الجواب: طبعا لأ، الوزارة قالت الاختبارات فى المنهج لحد ما تم دراسته حتى 2020/3/15 .

السؤال الخامس عشر: طيب الاسئلة ايه نوعها ؟
الجواب: اسئلة سهلة وبسيطة تعتبر زى الواجب المنزلى اللى بتحله فى البيت.



الاسمبريد إلكترونيرسالة